Jab Rida Sar Se Chhini Mai Sada Deti Rahi | Tu na Aaya Ghazi | Urdu | Mir Hasan Mir Lyrics

 Noha: Jab rida sar se chini/Tu na aya Ghazi(As)

Noha Khuwan:Janab Mir Hasan Mir

جب ردا سر سے چھنی میں سدا دیتی رہی

تُو نہ آیا غازی

آلِ عمران کہاں اور زندان کہاں

یہ بہن قید ہوئی تُو نہ آیا غازی

جب ردا سر سے۔۔۔

ہم کو پانی نہ ملے، تیری خوشبو تو رہے

تیرے بازونہ کٹے ،چاہے مشکیزہ چھدے

یہ مگر ہو نہ سکا ،تیرے بازو ہیں جدا

مجھ میں ہے تشنہ لبی،تُو نہ آیا غازی

جب ردا سر سے۔۔۔

دھوپ میں تُو تھا شجر ،تجھ سے آباد تھا گھر

ہے برہنہ میرا سر ،کیا نہیں تجھ کو خبر

اے علمدارِ وفا،اس بہن کو باخدا

تجھ سے ڈھارس تھی بڑی ،تُو نہ آیا غازی

جب ردا سر سے۔۔۔

آگئی شامِ الم ، لٹ گئے اہلِ حرم

ریت پر جلتی ہوئی،ہوگیا ٹھنڈا علم

پُرسہ دینے کیلئے ،مجھ سے ملنے کیلئے

آگئے بابا علی،تُو نہ آیا غازی

جب ردا سر سے۔۔۔

کیا کہوں شیر میرے،بے ردا ہم کو لئے

یہ مسلماں سارے ،شہر در شہر گئے

خلقتِ کوفہ کبھی،خلقتِ شام کبھی

اور ہے ہم پہ ہنسی،تُو نہ آیا غازی

جب ردا سر سے۔۔۔

کتنی بے بس تھی بہن،اے شہنشاہِ وفا

نام لے لے کے میرا،جب یہ ظالم نے کہا

ناز تھا جس پہ تجھے،اب بُلائو نہ اُسے

اور میں روتی رہی،تُو نہ آیا غازی

جب ردا سر سے۔۔۔

قید خانے میں قضا،جب سکینہ کو ملی

دے کے کُرتے کا کفن،بچی دفنائی گئی

اُس گھڑی نام تیرا،صورتِ نادِ علی

دُکھ میں دُہراتی رہی،تُو نہ آیا غازی

جب ردا سر سے۔۔۔

رویا ریحان قلم،کرکے یہ بات رقم

خون میں ڈوب گیا،میرے غازی کا

زخمی زینب کا جگر ،خوںفشاںشاہ کا سر

آئے خیموں میں شقی،تُو نہ آیا غازی

جب ردا سر سے۔۔۔