Jashn e Amad E Rasul | 12 Rabi Ul Awwal ta 17 Rabi Al Awwal | Wiladat Tajdare Ambiya | Sarkare Do Alam | Hazrat Mohammad Saww | Manqabat | Lyrics

Sardar-e-malak ke bhi hain sardaar mohammad (s)

kul ambiya k sayyad-o-mukhtaar mohammad (s)

Paigham-e-ilaahi k wafadaar mohammad (s)

Aur shah-e-karbala k azaadaar mohammad (s)

.....Inki barabari ki jo koshish bhi karega

.....Dozaq milega usko wo be maut marega

Hasil hai inko aala sharaf sath me nisbat

Khaliq ne banaya hai sarasar inhey rahmat

Hasil kisi ko aisa martabaa naa ye azmat

Jitney bhi Ambiya hai unhey insey hai ulfat

........Allaah inko aour ye Allaah ko pasand

........Firdous inkey dushmano k wastey hai band

Meraj usney dekey inhey wo sharaf diya

Jissey na musharraf tha koi aur ambiya

Kul ambiya se inkey waastey halaf liya

har rijs-o-najasat ko insey bartaraf kiya

.....Mahboob is qadar hai k habeeb(s) pukara

.....Har Ashiqu-e-Nabi ka phir naseeb sawara

Har ambiya k dil ka hain eemaan mustafa (s)

Shan-e-uloohiyat ki bhi pahchaan mustafa (s)

Kul kaayenaat aap par qurbaan mustafa (s)

Haider(a) ki shaan Fatema (s) ki jaan mustafa (s)

.Sajdey me sar Rasool(s) ka aur pusht par Husain(a)

..Ek Aamena ke laal hain Ek Fatema (s) k chain

Daaman me gunahoan ko samete huwey hain ham

Dil mera pashemaan hai aur aankh bhi hai nam

Maqbooliyat ka meri duwa me nahi hai dam

Ummeed shifaaat ki hai baa ulfat-o- karam

.....Ashaar merey meri aqeedat ke phool hain

....Haider Nabi ke ishq me gham bhi qubool hai

Voice of Karbala - Broadcast message of love & protests against terrorism since 1400 Yrs. All Noha, Marsiya, Salam, Soz, Manqabat, Qasida Lyrics 2022.